The United Republic Of Tanzania -Prime Minister's Office |News |Waziri Mkuu apokea viti vya wenye ulemavu

Home | News | Waziri Mkuu apokea viti vya wenye ulemavu

News

Speeches

2 September 2010

Opening remarks by Rt. Hon. Mizengo P. Pinda (MP), The Prime Minister of the United Republic of Tanzania on the African Green Revolution Forum – Accra, Ghana, 2nd September, 2010...

15 July 2010

Hotuba ya Shukrani kwa Wabunge kabla ya Mkutano wa Ishirini wa Bunge la Jamhuri ya Muungano Kuvunjwa na Mheshimiwa Rais, Ukumbi wa Bunge, Dodoma, 15 Julai 2010...

More Speeches

Recently Documents

Quotes

kama Bunge, lakini mmoja mmoja kama watumishi wa umma, tunao wajibu mkubwa sana wa kuishi na kutenda kwa mfano. Tujiepushe na tamaa zinazoweza kuliingizia Taifa hili hasara kubwa.

Kauli ya Waziri Mkuu kuhitimisha mjadala wa Richmond,
Mkutano wa 18 wa Bunge, Februari 10, 2010

More Quotes

Videos

Photo Gallery

Waziri Mkuu, Mizengo Pinda akipokea Taarifa kutoka kwa Mdhibiti na Mkaguzi Mkuu wa Hesabu za Serikali ( CAG),Ludovic Utoh kuhusu mapato na makusanyo ya kituo cha mabasi cha Ubungo jijini Dar es salaam, Ofisini kwake Bungeni Mjini Dodoma Julai 28, 2009. Mheshimiwa Pinda alimuagiza CAG kufanya uchunguzi huo baada ya kutembelea kituo hicho na kupata malalamiko kutoka kwa wadau Machi mwaka huu.

More Photos

Documents and Publications

Print friendly version

Email this page

Waziri Mkuu apokea viti vya wenye ulemavu

Dar es Salaam,18 January 2010

WAZIRI MKUU Mizengo Pinda leo (Jumatatu, Januari 18, 2010) amepokea viti 10 vya watu wenye ulemavu vyenye thamani ya sh. milioni 1.5/- kutoka kwa Klabu ya Lions ya Dar es Salaam City.

Akipokea viti hivyo ofisini kwake Magogoni jijini Dar es Salaam, Waziri Mkuu amesema anaishukuru sana taasisi hiyo kwa msaada huo na kuahidi kuwa viti hivyo vitapelekwa mikoa ya Kigoma, Mbeya, Rukwa, Ruvuma na Iringa ambako hakuna matawi ya klabu hiyo.

Pia alisema taasisi zinazotoa misaada kwa jamii zinakabiliwa na changamoto ya kusema kuwa misaada waliyotoa imetosha na kuwaomba waziangalie zaidi taasisi zinazohudumia watu wenye mtindio wa ubongo na kwenye hospitali.

“Taasisi zinazotoa misaada zinakabiliwa na changamoto ya kutokusema misaada mliyotoa imetosha kwa sababu watu wenye uhitaji wanaibuka kila siku… wenye shida ni wengi na ninyi ndiyo wa kuwasaidia,” alisema.

Mapema akikabidhi viti hivyo, Gavana wa Lions katika wilaya 411B, Bw. Abdul Majid Khan alisema tangu mwaka 2008 wamekwishatoa jumla ya viti 500 na kumwahidi Waziri Mkuu kwamba wana mpango wa kufungua matawi kwenye mikoa ya Iringa na Mbeya ili mikoa ya Nyanda za Juu Kusini iweze uwakilishi kwenye klabu hiyo.

Akizungumzia huduma ambazo klabu hiyo imekwishatoa, alisema katika miaka 35 ambayo klabu hiyo imekuwa ikitoa huduma, wamekwishachimba visima 50 vya maji safi na wametoa huduma kwa wagonjwa wa macho 7,000 na kwamba wakibainika na mtoto wa jicho hupewa huduma ya upasuaji wa macho.

“Pia tunasaidia kupeleka India watoto wenye matatizo ya moyo ili wapate matibabu zaidi na tunasaidia ujenzi wa madarasa katika shule mbalimbali hapa nchini,” alisema.

Alisema klabu hiyo ina matawi saba jijini Dar es Salaam, matawi manne jijini Arusha na matawi matano jijini Mwanza. Mengine ni Kilimanjaro (manne), Shinyanga, Bunda na Morogoro ambako kuna tawi moja moja.

(mwisho)